സമഗ്ര ‘വിവരനയം’ (Data Policy) കേന്ദ്ര-സംസ്ഥാന സര്‍ക്കാരുകള്‍ പ്രഖ്യാപിക്കണം (പ്രമേയം)

വിവരസാങ്കേതികവിദ്യയുടെ വിപുലമായ ഉപയോഗം ഭീമവിവരശേഖരങ്ങള്‍ (Big Data) സൃഷ്ടിക്കുകയും അവയുടെ വിശകലനവും അവ പ്രയോജനപ്പെടുത്തിയുള്ള സേവനങ്ങളും സാധാരണമാക്കുകയും ചെയ്തിരിക്കുന്നു. എന്നാല്‍, ഒരുവിധ നൈതികയ്ക്കും നിയന്ത്രണത്തിനും വിധേയമാകാതെ വിപല്‍ക്കരമായ ആവശ്യങ്ങള്‍ക്കും കുത്തകക്കമ്പനികളുടെ ലാഭമിരട്ടിപ്പിക്കലിനും ഒക്കെ നിലവില്‍ ഇതുപയോഗിക്കപ്പെടുകയാണ്. ഗൂഗ്‌ള്‍ പോലെയുള്ള സെര്‍ച് എഞ്ചിനുകളും, ഫെയ്സ്‌ബുക്‍ പോലെയുള്ള സാമൂഹ്യമാധ്യമങ്ങളും വ്യക്തിഗതവിവരങ്ങളും, വ്യക്തികളുടെ സ്വഭാവസവിശേഷതകളും അഭിരുചികളും വരെ അനുവാദമില്ലാതെ ചോര്‍ത്തി, സ്വകാര്യതയ്ക്ക് ഒരു ബഹുമാനവും കല്പിക്കാതെയും മേല്പറഞ്ഞതരം ആവശ്യങ്ങള്‍ക്കുപയോഗിക്കുന്നു. അത്യന്തം ആപത്കരവും ജനാധിപത്യവിരുദ്ധവും സ്വകാര്യതയ്ക്കുള്ള അവകാശത്തിന്റെ ലംഘനവുമാണിത്. ഇത് പൗരരുടെ അഭിപ്രായപ്രകടനത്തിനും ചിന്തയ്ക്കും ആഹാരത്തിനും വസ്ത്രധാരണത്തിനും സംഘടിക്കാനും പ്രതിഷേധിക്കുവാനുമെല്ലാമുള്ള അവകാശങ്ങള്‍ നിയന്ത്രിക്കുകയോ നിഷേധിക്കുകയോ ചെയ്യുന്നതിലേക്കിതെത്തിച്ചേരുമെന്നത് ഇന്ന് കേവലമൊരു ഉത്കണ്ഠയല്ല. ആധാര്‍ പോലെയുള്ള സര്‍ക്കാര്‍ പദ്ധതികള്‍ വഴിയും ഇത്തരം വിവരചോരണം നടക്കുന്നു. വ്യക്തിഗതവിവരങ്ങള്‍ പൊതുവിപണിയില്‍ വിറ്റഴിക്കുന്ന സ്ഥിതി പോലും സംജാതമായത് നാം കണ്ടു. സ്വകാര്യസ്ഥാപനങ്ങളുടെ വിവരശേഖരങ്ങളൂമായി ഇവ ബന്ധപ്പെടുത്തുവാന്‍ നിര്‍ബന്ധിക്കുന്ന സ്ഥിതിയും അതീവഗുരുതരമായ സാഹചര്യമാണ് സൃഷ്ടിച്ചിരിക്കുന്നത്.

അതേസമയം, സമൂഹത്തിന്റെ പുരോഗതിക്കായി ഈ ഭീമവിവരശേകരവും വിവരവിശകലനസാങ്കേതികവിദ്യകളും പ്രയോജനപ്പെടുത്തുവാന്‍ നാം തയ്യാറായിട്ടില്ല. അതിനാല്‍, സ്വകാര്യതയുള്‍പ്പടെയുള്ള വ്യക്ത്യാവകാശങ്ങള്‍ സംരക്ഷിച്ച്, വ്യക്തിഗതവിവരചോരണം തടഞ്ഞും ഭീമവിവരശേഖരങ്ങളുടെ വികസനവും ഉപയോഗവും നിയന്ത്രിച്ചും സമൂഹത്തിന്റെ വിശാലതാല്പര്യങ്ങള്‍ അഭിസംബോധന ചെയ്തുമുള്ള ഒരു സമഗ്രവിവരനയം കൊണ്ടുവരണമെന്ന് കേന്ദ്രസംസ്ഥാനസര്‍ക്കാരുകളോട് ഈ സമ്മേളനം ആവശ്യപ്പെടുന്നു.

പൊതു ഉടമസ്ഥതയിലുള്ള പ്രസിദ്ധീകരണങ്ങളും, പൊതുവിവരശേഖരങ്ങളൂം പാഠപുസ്തകങ്ങളും സ്വതന്ത്രലൈസന്‍സില്‍ ഇലക്റ്റ്രോണിക്‍ രൂപങ്ങളില്‍ പ്രസിദ്ധീകരിക്കുന്നത് നിര്‍ബന്ധമാക്കുക (പ്രമേയം)

പൊതുമുതലുപയോഗിച്ച് നിര്‍മിക്കുന്ന സോഫ്റ്റ്‌വെയറുകള്‍, ഭാഷാസാങ്കേതികവിദ്യാ പ്രയുക്തികള്‍, പ്രസിദ്ധീകരണങ്ങല്‍, തന്ത്രപ്രധാനമല്ലാത്ത പൊതുവിവരശേഖരങ്ങള്‍, ഉത്തരവുകളും വിജ്ഞാപനങ്ങളൂം ഗസറ്റുമടക്കമുള്ള വിവരങ്ങള്‍, പാഠപുസ്തകങ്ങള്‍ തുടങ്ങിയവയെല്ലാം പൊതുജനങ്ങള്‍ക്ക് പ്രയോജനപ്പെടുത്തുവാന്‍ കഴിയുമാറ് ഇലക്റ്റ്രോണിക്‍ രൂപങ്ങളില്‍ കൂടി പ്രസിദ്ധീകരിക്കേണ്ടതുണ്ട്. ഇവ പുനഃരുപയോഗിക്കുവാനും പ്രചരിപ്പിക്കുവാനും കഴിയുമാറ് സ്വതന്ത്ര ലൈസന്‍സിങ്ങില്‍ (ക്രിയേറ്റീവ് കോമ്മണ്‍സ് പോലുള്ള) ലഭ്യമാക്കണം. ഇന്ന് മേല്പറഞ്ഞ പലവിവരങ്ങളും അത്തരത്തില്‍ ലഭ്യമാക്കുന്നില്ല. പാഠപുസ്തകങ്ങളടക്കമുള്ള ഇത്തരം വിവരങ്ങള്‍ യൂണിക്കോഡില്‍ ലഭ്യമാക്കുന്നത്, ഭിന്നശേഷിവിഭാഗങ്ങളില്‍ പെടുന്നവര്‍ക്കടക്കം ശബ്ദം, ലിപി, ബ്രെയ്‌ലി തുടങ്ങിയ രൂപപരിണാമങ്ങള്‍ വരുത്തിയുപയോഗിക്കുവാനും സഹായകമാണ്. അതിനാല്‍ മേല്പറഞ്ഞ വിവരങ്ങളെല്ലാം യൂണിക്കോഡില്‍ ഇലക്റ്റ്രോണിക്കായി സ്വതന്ത്രലൈസന്‍സില്‍ ലഭ്യമാക്കുന്നത് നിര്‍ബന്ധമാക്കി ഉത്തരവ് പുറപ്പെടുവിക്കണമെന്ന് സംസ്ഥാനസര്‍ക്കാരിനോട് DAKF സംസ്ഥാന കണ്‍വെന്‍ഷന്‍ അഭ്യര്‍ത്ഥിക്കുന്നു.

DAKF State Convention 2018

DAKF State Convention held at PWD Guest House Auditorium, Thaikaud, Thiruvananthapuram on 10 March 2018.

Member of Parliament Sri. A. Sampath inaugurated the DAKF State Convention.

Sri. Prabir Purkayastha, President, Free Software Movement of India addresses to the DAKF State Convention.

Kiran Chandra, Free Software Movement of India General Secretary.

Participants from all districts of Kerala.

 

അ മാസിക പ്രകാശനം

DAKF മാസിക ‘അ’ ജനുവരി-മാർച്ച് ലക്കം സംസ്ഥാന കൺവെൻഷനോട് അനുബന്ധിച്ചു പ്രകാശിപ്പിച്ചു. ഫ്രീ സോഫ്റ്റ് വെയർ മൂവ്മെന്റ് ഓഫ് ഇൻഡ്യ പ്രസിഡന്റ് പ്രബീർ പുർകായസ്ഥ അഡ്വ. സമ്പത്ത് എം.പി യിൽ നിന്ന് ഏറ്റു വാങ്ങുന്നു.

സ്വതന്ത്ര വിജ്ഞാന ജനാധിപത്യ സഖ്യം സംസ്ഥാന കൺവെൻഷൻ തിരുവനന്തപുരത്ത്

അറിവിനെ കുത്തകയാക്കാൻ കമ്പോളശക്തികൾ നടത്തുന്ന ശ്രമങ്ങൾക്കെതിരെ, അറിവിന്റെ ജനാധിപത്യവത്കരണത്തിനായി പ്രവർത്തിക്കുന്ന സ്വതന്ത്ര വിജ്ഞാന ജനാധിപത്യ സഖ്യം (DAKF) സംസ്ഥാന കൺവെൻഷൻ മാർച്ച് 10 നു തിരുവനന്തപുരത്തു നടക്കും. തിരുവനന്തപുരം PWD റെസ്റ്റ് ഹൗസിൽ രാവിലെ 10 ന് അഡ്വ.എ. സമ്പത്ത് എംപി., കൺവൻഷൻ ഉദ്ഘാടനം ചെയ്യും. ഫ്രീ സോഫ്റ്റ് വെയർ മൂവ്മെന്റ് ഓഫ് ഇൻഡ്യ പ്രസിഡന്റ് പ്രബീർ പുർകായസ്ഥയും ജനറൽ സെക്രട്ടറി കിരൺ ചന്ദ്രയും സംസാരിക്കും. Continue reading

Seminar on Automation in Cyber Security

DAKF ന്റെ സംസ്ഥാന സമ്മേളനവുമായിബന്ധപ്പെട്ടുകൊണ്ട്, എറണാകുളം ജില്ലാ കമ്മറ്റിയും IT ജീവനക്കാരുടെ കൂട്ടായ്മയായ Progressive Techies സും സംയുക്തമായി Infopark-ൽ സെമിനാർ സംഘടിപ്പിക്കുന്നു.

വിഷയം: Automation in Cyber Security

Venue: MP hall, Thapasya Building, Infopark Campus, Kakkand.
Date: 09-March-2018, Time:2.30 PM

ഇടുക്കി ജില്ലാ സമ്മേളനം

രാവിലെ 11 മണിക്ക്‌ എൻ.ജി.ഒ. യൂണിയൻ ഹാൾ, തൊടുപുഴയിൽ പ്രസിഡന്റ്‌ സ. വി. പി. ജോയിയുടെ അധ്യക്ഷതയിൽ യോഗം ആരംഭിച്ചു. ജോയിന്റ്‌ സെക്രട്ടറി സ. ജിജോ എം. തോമസ്‌ സ്വാഗതം പറഞ്ഞു. എൻ.ജി.ഒ. യൂണിയൻ മുൻ സംസ്ഥാന പ്രസിഡന്റ്‌ സ. കെ. പി. മേരി സമ്മേളനം ഉത്ഘാടനം ചെയ്തു. ഇന്നത്തെ സാഹചര്യത്തിൽ സംഘടന ഏറ്റെടുക്കേണ്ട പ്രവർത്തനങ്ങളെ കൃത്യമായി പ്രതിപാദിക്കുന്നതായിരുന്നു ഉത്ഘാടന പ്രസംഗം.

ജില്ലാ സെക്രട്ടറി സ. പി.ആർ. ഷാജി പ്രവർത്തന റിപ്പോർട്ടും, സംസ്ഥാന നിർവ്വാഹകസമിതി അംഗം സ. ഹരിലാൽ സംഘടനാ റിപ്പോർട്ടും അവതരിപ്പിച്ചു.  Continue reading

‘അറിവിന്റെ കുത്തകവത്ക്കരണവും വിദ്യാഭ്യാസ മേഖലയും’ സെമിനാർ

സ്വതന്ത്ര വിജ്ഞാന ജനാധിപത്യ സഖ്യത്തിന്റെ ആഭിമുഖ്യത്തിൽ,  ‘അറിവിന്റെ കുത്തകവത്ക്കരണവും വിദ്യാഭ്യാസ മേഖലയും’ എന്ന വിഷയത്തിൽ സെമിനാർ നടക്കും. മാർച്ച്‌ 3 ന്‌ ഉച്ചയ്ക്ക്‌ 12 മണിക്ക്‌ നടക്കുന്ന സെമിനാർ ശ്രീ ടി.വി രാജേഷ്‌ എം.എൽ.എ ഉദ്ഘാടനം ചെയ്യും. സ്വതന്ത്ര വിജ്ഞാന ജനാധിപത്യ സഖ്യം സംസ്ഥാന ജനറൽ സെക്രട്ടറി ശ്രീ ശിവഹരി നന്ദകുമാർ വിഷയം അവതരിപ്പിച്ച്‌ സംസാരിക്കും. കണ്ണൂർ സർവകലാശാലാ എക്സാം കൺട്രോളർ ഡോ പി ബാബു ആന്റോ, കണ്ണൂർ ഗവ.എഞ്ചിനീയറിംഗ്‌ കോളേജ്‌ പ്രിൻസിപ്പാൾ ഡോ കെ ശ്രീകുമാർ എന്നിവർ സംസാരിക്കും.

DAKF കണ്ണൂർ  ജില്ലാകൺവെൻഷൻ

അറിവിന്റെ കുത്തകവത്ക്കരണത്തിനെതിരെ ഒരുമിക്കുക‘ എന്ന സന്ദേശമുയർത്തി സ്വതന്ത്ര വിജ്ഞാന ജനാധിപത്യ സഖ്യം കണ്ണൂർ ജില്ലാ കൺവെൻഷൻ മാർച്ച്‌ 3 ന്‌ നടക്കും. കണ്ണൂർ സർവകലാശാലാ ചെറുശ്ശേരി ഹാളിൽ നടക്കുന്ന കൺവെൻഷൻ രാവിലെ 10 ന്‌ ശ്രീ കെ.കെ രാഗേഷ്‌ എം.പി ഉദ്ഘാടനം ചെയ്യും. ഡി.എ.കെ.എഫ്‌ സംസ്ഥാന ജനറൽ സെക്രട്ടറി ശ്രീ.ശിവഹരി നന്ദകുമാർ, സംസ്ഥാന എക്സിക്യുട്ടീവ്‌ കമ്മിറ്റിയംഗം ശ്രീ.ടി ഗോപകുമാർ എന്നിവർ പങ്കെടുക്കും. കൺവെൻഷനിൽ ജില്ലയിലെ വിവിധ ഏരിയാകളിൽ നിന്നായി തെരഞ്ഞെടുത്ത പ്രൊഫഷണൽ മേഖലയിൽ പ്രവർത്തിക്കുന്നവർ, വിദ്യാർത്ഥികൾ, അധ്യാപകർ,  പുതുതലമുറ എഴുത്തുകാർ ഉൾപ്പടെയുള്ള 180 പേരാണ്‌ പ്രതിനിധികൾ.

സ്വതന്ത്ര സോഫ്റ്റ്വെയർ അധിഷ്ഠിത വിദ്യാഭ്യാസം വ്യാപിപ്പിക്കണം: ഡിഎകെഎഫ്

പത്തനംതിട്ട: ഹയർസെക്കൻഡറി തലത്തിലും ഉന്നത വിദ്യാഭ്യാസ രംഗത്തും സ്വതന്ത്ര സോഫ്റ്റ്വെയർ അധിഷ്ഠിത വിദ്യാഭ്യാസം വ്യാപിപ്പിക്കേണ്ടതുണ്ടെന്ന് ഡിഎകെഎഫ് ജില്ലാ കൺവൻഷൻ പ്രമേയത്തിൽ ചണ്ടിക്കാട്ടി. ജില്ലയിലെ വിക്കിപീഡിയ പ്രവർത്തനങ്ങൾ വ്യാപിപ്പിക്കുന്നതിനും പ്രാദേശിക ചരിത്ര രചന ഉൾപ്പടെയുള്ളവയ്ക്ക് ആവശ്യമായ സാങ്കേതിക സഹായം ലഭ്യമാക്കുന്നതിനും കൺവൻഷൻ തീരുമാനിച്ചു.

DAKF Pathanamthitta convention

കടപ്പാട്: ദേശാഭിമാനി ദിനപത്രം, 17 ഫെബ്രുവരി 2018